A tirin:
Pawl 12 zir tha leh turin New Life Academy-ah chuan admission beiseiin ka nu nen kan va kal ve a.Principal-in a kum hmasa a ka marksheet an en chu a khi vur vur mai a,a zamawm ve duh rum rum mai.Mark ka score chhe ve lu lai em bawk a ni..
Tichuan harsatna dang awm em em lovin admission chu kan han ti ve nghal mai a,kan tlai deuh tawh avangin a rang lama hostela lut nghal tur chuan Principal chuan min chah a.Hetih lai hian science lak ka peih tawh loh em avangin ka pa hnenah chuan Arts line a inleh mai ka dil hman nghe nghe a.Mahse a ni chuan "kar khat han inngaihtuah la,rilru fim takin ngaihtuah rawh" min ti mauh sia,phur rilru lutuk lem lo chuan New Life Academy lamah chuan Admission ti tur chuan kan va kal ve ta kha a nia.Mahse kha phur lo chung chunga ka lo tihluih ve na kha tun thleng hian ka la inchhir leh ta reng reng lo...
Tichuan le,luh hun tura kan ruat hunah chuan Vawngzawl lam pan chuan Lunglei atang chuan kan chhuak phei ta a.Vanneihthlak takin Hostel day out an lo nei hlauh mai a,luh peih loh nak alaia ka lawm zia kha.Tichuan ka bungrua te hostel-a dah lutin an luh leh huna lut tur chuan Principal te nen chuan kan in thlah leh ta a.Hemi tlai hian Lunglei lamah pawh let phei tawh lem lovin Hnahthial lam panin kan haw tlang ta nghal a.
A karleh maiah chuan Hostel-a lut tur bawkin ka u nen bungrua engmah ken ngai a awm tawh loh bawk avangin Bike-in Vawngzawl lamah bawk chuan kan phei ve leh ta a.Kan thlen chuan Principal kan hmu nghal a,beisei loh lutuk maiin "Ti mai maiin a luh theih tawh hleihnem" a lo ti bur mai chu,ka u nen kan in melh hrek hrek a,tih ngaihna avang duh ngei mai.Tichuan ka u chu Principal hnenah chuan ava phei a,"Sir,hei kan vawikhat rawn luhna tur a nia" ava ti dek dek a,chutah Principal chu nui thaw chunga rawn let lehin "Hnahthiala mi kha tiraw in nih,lo thu r'u thingpui ka rawn pek tir ang che u" a rawn ti leh hlawl mai a.Kan luh phei hma ni chiah hian Day out a chhuak ho luh ni kha niin,a ni(Principal)lah pek chuan Day Out lut tlai amaw chu min lo tiin.A mangan thlak hman a nia aw..
Hostel zan khatna leh Khum chan loh
Hostel-ah chuan kan va indah lut ve ta ngei mai a,ka thiante ho R.Muanpuia te,Kawnga pawh an lo awm ve nawlh mai a.Ka lawm rilru angreng hle mai a.Engtin tin emaw ka First day chu kan tlingthla ve hram a.Zan mut a lo hun ta a.Dorm lam panin kan kal darh ta sang sang mai.Tichuan keipawh kan Dorm lamah chuan ka chho ve a.Mahse khum ruak a lo awm reng reng lo mai.Warden ka va hrilh nghal a,ka rawn ngaihtuah ang ti chung khan mi rawn ngaihtuah sak reng reng lo mai a.Midang ho an mut sang sang tawh lai chuan ka thingrem chungah chuan ka la thu ran bawk si.Chanmari Lungleia kan awm laia ka u thianpa Thlenga chuan "ka bulah rawn mu ve mai rawh" a rawn ti thin a.Khatia midang bula han mut ve tawp kha chu tlawmah ka la ve deuh bawk si nen.Rilru a hah duh ang reng khawp mai...
Class XII ho kha chu Dorm chhak ber kha kan awmna tur kha chu a nia,amaherawh chu Dorm chhak berah khan kan len loh avangin Class XI dorm lamah khan thenkhat an lo dah a.Chung zingah chuan ka thiante ho chu an lo tel ve vek bawk si.Tichuan warden chu ka va pan leh ta a,Class XI dorm lamah a tlan thla a,A lo full ve vek bawk si.Buaithlak duh angreng fu a ni.
Tichuan mutna nei lo a ka thut ran lai chuan vanneih thlak takin kan ti dawn nge Class XI a mi pakhat Hostel atanga tlanchhuak a awm thu leh a khum ka chan theih tur thu kan warden chuan min rawn hrilh nawlh mai a,ka va han lawm em.Thiante ho awmna lam dorm a ni bawk a,thaw a veng huai mai......
(Pawt tawi rih phawt ang...a sei lutuk dawn...New Life Academy hi ka hostel awm tawhnaah chuan tough ber mai leh nuam ka tih ber mai a ni lawi si a...Thil tam tak ka zir chhuahna hmun,thian tha tam tak ka chhar chhuahna hmun,ka tana hlu em em mai a ni..Chanchin sawi tur pawh a tam...ka luh kum ngat phei kha chu khirh ve fe fe kha kan tam em avangin Principal meuh pawh kha kan ti rilru hah ve thin khawp mai..Ngaihtuah let leh changa mahni chauha nuih vur vur hi ka va ngah tak em..Kan la sawi zawm zel turah ngai phawt ang...:-D)
A karleh maiah chuan Hostel-a lut tur bawkin ka u nen bungrua engmah ken ngai a awm tawh loh bawk avangin Bike-in Vawngzawl lamah bawk chuan kan phei ve leh ta a.Kan thlen chuan Principal kan hmu nghal a,beisei loh lutuk maiin "Ti mai maiin a luh theih tawh hleihnem" a lo ti bur mai chu,ka u nen kan in melh hrek hrek a,tih ngaihna avang duh ngei mai.Tichuan ka u chu Principal hnenah chuan ava phei a,"Sir,hei kan vawikhat rawn luhna tur a nia" ava ti dek dek a,chutah Principal chu nui thaw chunga rawn let lehin "Hnahthiala mi kha tiraw in nih,lo thu r'u thingpui ka rawn pek tir ang che u" a rawn ti leh hlawl mai a.Kan luh phei hma ni chiah hian Day out a chhuak ho luh ni kha niin,a ni(Principal)lah pek chuan Day Out lut tlai amaw chu min lo tiin.A mangan thlak hman a nia aw..
Hostel zan khatna leh Khum chan loh
Hostel-ah chuan kan va indah lut ve ta ngei mai a,ka thiante ho R.Muanpuia te,Kawnga pawh an lo awm ve nawlh mai a.Ka lawm rilru angreng hle mai a.Engtin tin emaw ka First day chu kan tlingthla ve hram a.Zan mut a lo hun ta a.Dorm lam panin kan kal darh ta sang sang mai.Tichuan keipawh kan Dorm lamah chuan ka chho ve a.Mahse khum ruak a lo awm reng reng lo mai.Warden ka va hrilh nghal a,ka rawn ngaihtuah ang ti chung khan mi rawn ngaihtuah sak reng reng lo mai a.Midang ho an mut sang sang tawh lai chuan ka thingrem chungah chuan ka la thu ran bawk si.Chanmari Lungleia kan awm laia ka u thianpa Thlenga chuan "ka bulah rawn mu ve mai rawh" a rawn ti thin a.Khatia midang bula han mut ve tawp kha chu tlawmah ka la ve deuh bawk si nen.Rilru a hah duh ang reng khawp mai...
Class XII ho kha chu Dorm chhak ber kha kan awmna tur kha chu a nia,amaherawh chu Dorm chhak berah khan kan len loh avangin Class XI dorm lamah khan thenkhat an lo dah a.Chung zingah chuan ka thiante ho chu an lo tel ve vek bawk si.Tichuan warden chu ka va pan leh ta a,Class XI dorm lamah a tlan thla a,A lo full ve vek bawk si.Buaithlak duh angreng fu a ni.
Tichuan mutna nei lo a ka thut ran lai chuan vanneih thlak takin kan ti dawn nge Class XI a mi pakhat Hostel atanga tlanchhuak a awm thu leh a khum ka chan theih tur thu kan warden chuan min rawn hrilh nawlh mai a,ka va han lawm em.Thiante ho awmna lam dorm a ni bawk a,thaw a veng huai mai......
(Pawt tawi rih phawt ang...a sei lutuk dawn...New Life Academy hi ka hostel awm tawhnaah chuan tough ber mai leh nuam ka tih ber mai a ni lawi si a...Thil tam tak ka zir chhuahna hmun,thian tha tam tak ka chhar chhuahna hmun,ka tana hlu em em mai a ni..Chanchin sawi tur pawh a tam...ka luh kum ngat phei kha chu khirh ve fe fe kha kan tam em avangin Principal meuh pawh kha kan ti rilru hah ve thin khawp mai..Ngaihtuah let leh changa mahni chauha nuih vur vur hi ka va ngah tak em..Kan la sawi zawm zel turah ngai phawt ang...:-D)