Blog ka va update khat em.Thu ziah hi han chak ve viau thin mah ila,ziah tur lam hi ka tlachham ve ang reng khawp mai .Thu tha leh puitling ziak tur phei chuan a ngaihtuah pawh ka la ngaihtuah chhin ngam lo.A harsat zia ka hria a,chu chuan thuziak thiamte ngaihsanna keimahah nasa takin min neih tir phah a ni.Nia,tun tumah pawh hian ziah tur leh ngaihtuahnaa awm a awm hran lem lo bawk a.Nuam ka tih leh ka ziah thiam ve tawk,thu tawi te te,awmze nei vak mang si lo ho hi helai hmunah hian dah ve leh thawr mai ang..
Mahni inhriat chian lohna!!!
Mite nunphung um phak tum reng rengin ka talbuai a.Mi thuam ang ka inbel ve loh hlauin thawhchhuah nei si lo hian nute bulah 'mawh mawh' ka ti tuah hum reng a.Sum thawh chhuah harsat zia ka ngaihtuah reng reng si lo...
Zanah mutna chang reng ka hre lo a...zingah lah 'mama tho ve tawh em em rawh' tih ka ngai ziah a...chhungte chaw eikham vek hnuah chaw ei turin ka'n tho chhuak ve a...chawhmeh ka'n sawisel nghal pang a...
Chaw eikham a lo ni a..then leh rual te'n vawiin chu enge i tih dawn min tih lahin,"vawiin chu ka awm ang"ka ti nitin deuh thaw a.."Vawiin chu sam ka zuah teh ang"te ka'n la ti fiamthu ve leh ta khang lang a..MNREGS thawk peih tawk lek lah hian ka taima reuh leh nghal a...Tlaiah lah inkhelh hman loh hlau reng rengin ka awm a...Inkhelhnaah lah thiam ber ni hauh si lo hian thiam ber thawk hian ka'n thaw ham ham a...Inkhelh loh tlaiah lah veng tlabirh lamah kan In Khelh ve thung a...
Zanriah eikham velah nula rim turin ka'n tei chhuak ve leh ngawt a...Nula bula titi ka'n vawrh tan tak tak mai chu(h)...Ka rin ai hian thil ka lo hre hnem daih thin...Nula bula thiante kah tralh ka'n tum a...Ka hneh sawh deuh viau phei chuan tlatlum deuh bik turah ka'n in ngai ve leh ngawt a....Zan rei tak thlengin min ning tawh ang a tih ngaihtuah miah lovin kan thu ve ran a..Thingpui ka lam sek ve leh ta nghal a....
Engtikniah a maw chuan nun hi chen ringawt tur a nih loh zia te pawh ka la hre chhuak ve mahna...Nun hlutna leh nun awmzia tehi zirlai har tak ava ni teh lul em...Engkim mai hi awlsam tak leh zangkhai taka ka ngaih thinna te hian min kalsan ve hun chuan aw..!!!...Ka khawvel thlir dan leh suangtuahna te hian engtia rei nge mi tih at a tum le...???