Blog ka va update khat em.Thu ziah hi han chak ve viau thin mah ila,ziah tur lam hi ka tlachham ve ang reng khawp mai .Thu tha leh puitling ziak tur phei chuan a ngaihtuah pawh ka la ngaihtuah chhin ngam lo.A harsat zia ka hria a,chu chuan thuziak thiamte ngaihsanna keimahah nasa takin min neih tir phah a ni.Nia,tun tumah pawh hian ziah tur leh ngaihtuahnaa awm a awm hran lem lo bawk a.Nuam ka tih leh ka ziah thiam ve tawk,thu tawi te te,awmze nei vak mang si lo ho hi helai hmunah hian dah ve leh thawr mai ang..
Aw Zan ropui....(Engtin tak nge kan hman...??...Ruahmanna ropui lo chu)
Chhun lamah duhtawkin nuam kan tawl a,sports closing function ropui tak maia kan neih hnuah zan lam boruak hip chakin kan za leh ta zek zek mai.He zan zet hi zawng New Life Academy 2008-09 batch te hi chuan engtikah mah an theihnghilh thei tawh bik lo ang.Nuam tih zawng zawng kha ava kim ve tak em.Chaw eikham atangin kan helhhawlh tan tawh kha a ni ber mai.Keini thian ho pawh Vena a zai ve dawn avangin kan plan ang ang chuan kan han inbuatsaih ve ta a.Nia a hlimawm ve a ni kha zan zet kha chu. School basketball court-ah kan la in chhawp hnawk hle,chhun lama kan sound system hman TNT tha tak tak erawh kan seng hawi tawh a.kan school sound system neih ang ang chuan Hostel Nite ropui tak neih tum chuan kan in chhawp ve rup mai le.Tichuan khua an thim tana,Basketball Court lam chu kan pan ta sang sang mai. Pu Saitlawma huan leh Lakhuihthei
Tichuan le tlei tak maiin hrehawm pawh sawi lem lovin ka'n awm chho ve ta nawk nawk mai a...Thian thar tha tak takte pawh ka neihbelh chho ve ta zel a.A nuam pawh ka ti ve viau mai. Sunday vawikhat chu ka thiante Tluanga(Lovetluanga) leh Kawnga, Biakhlua leh Vena te ho nen kan hostel thlang deuha Pu Saitlawma huanah kan kal ru pek a.Lakhuihthei tam vanglai tak a ni a.Kan tum dan tak phei chuan Lakhuihthei hawn nuala a zu um kan tum kha a ni a.Kan dorm chhaklam atanga helin a ruk thei ang berin kan kal ve ta tham tham mai a.Rilru nuam lutuk lem lo chuan a hmun chu kan zuk thleng thla ve ta a,high school section lam hovin an lo daidar hneh khawp mai a.Lakhuihthei mumal pawh chu kan zuk hmu ta lo a.Kan zawn fe hnu pawh chuan pum 10 vel kan hmu thei ta hram a.A hmunah pawh ei phal lovin hostel-ah kan hawn chho a,zan mut dawn a kan dorm hovin kan insem ve dar dar thin.A ngaihawm thin khawp mai....(Tu emawni Lakhuihthei huan thlanglam deuh Mau bul kara lo zuk E hmanhmawh kha chu sawichhuak lo mai ang.,zep pui ve tit tet rih ang.:D) Written by Spiky Bawitlung ‘There goes my only possession,
There goes my everything’….. Kan khawthlangho lunglen zai han ngaihthlak veng veng hi chuan eng ‘RAU’ emaw hian mi a rawn zem chiai chiai hian ka hre thin. A rawn pianchhuahnain a zir em pawh ani ta ve ang. A mak ani tirawh,thu leh hla ropui tak tak,kumkhua a he khawvela dai ngai tawhlo tur kan tihte hi engtia rawn piangchhuak nge an nih kan ngaihtuah ve ngai em?lungngaihna leh thinlung natna ril tak atanga rawn irh chhuak an lo nitlat zel asin. He'ng ang hla keinin tun kum tamtak ral hnu thlenga kanlo kurpui ve em em thinte hi mittui kar atanga rawn piangchhuak an nitlat thin. Chu ‘RAU’ a chu vawiinni thleng hian ala nung reng a,keini thangthar thleng pawhin min la rawn chenchilh ta zel anih hi. “I hear footstep,slow, slowly walking, As they gently walk across a lonely floor; And a voice soft,softly saying, ‘Darling,this will be goodbye forever more”. A tirin: Pawl 12 zir tha leh turin New Life Academy-ah chuan admission beiseiin ka nu nen kan va kal ve a.Principal-in a kum hmasa a ka marksheet an en chu a khi vur vur mai a,a zamawm ve duh rum rum mai.Mark ka score chhe ve lu lai em bawk a ni.. Tichuan harsatna dang awm em em lovin admission chu kan han ti ve nghal mai a,kan tlai deuh tawh avangin a rang lama hostela lut nghal tur chuan Principal chuan min chah a.Hetih lai hian science lak ka peih tawh loh em avangin ka pa hnenah chuan Arts line a inleh mai ka dil hman nghe nghe a.Mahse a ni chuan "kar khat han inngaihtuah la,rilru fim takin ngaihtuah rawh" min ti mauh sia,phur rilru lutuk lem lo chuan New Life Academy lamah chuan Admission ti tur chuan kan va kal ve ta kha a nia.Mahse kha phur lo chung chunga ka lo tihluih ve na kha tun thleng hian ka la inchhir leh ta reng reng lo... |
AuthorFamkim lo mihring kan nihzia ti famkim tura Khawvel eng rawn hmu ve...Midangte ke pen ruala pen ve thiam lo..Umtu rinawm tak... Me on FacebookArchives
April 2013
Categories |